Desde o inicio deste curso, as liñas 4 e 5 do transporte escolar están a sufrir atrasos. Na ANPA estamos trasladando reclamacións por cada incidencia, pero é recomendable que as familias tamén enviedes ao centro as queixas a nivel particular para que sexan remitidas á Consellería. Poñemos á vosa disposición un modelo para cubrir e lembrámovos que é importante que traslademos ao centro estas incidencias para que recollan o malestar e preocupación que ocasionan e o resolvan canto antes.

Igualmente, agradecemos que nos comuniquedes as incidencias ao correo a info@anpavedra.es para que nós tamén interpoñamos as reclamacións.

Actuando de forma coordinada e comprometida, a nosa voz é máis forte.