Escola de Familias da ANPA do CPI de Vedra

20/04/2023

A ANPA "A Boca" do CPI de Vedra pon en marcha unha Escola de Familias, un medio de apoio e relación comunitaria que ten como obxectivo abordar distintos aspectos na crianza e na educación dos nosos fillos e fillas. Nunha sociedade tan cambiante como a nosa, vemos importante crear un espazo dirixido ás familias no que poder traballar as distintas necesidades que xorden na crianza, un espazo de relación e orientación para as familias. 

A primeira das sesións leva por título "As necesidades educativas específicas" e nela participarán: 

• Beatriz Trigo (Orientadora do CPI Plurilingüe de Vedra)
• Laura Senra (Psicóloga) 
• Lorena Cotelo (Terapeuta ocupacional)

A charla terá lugar na Biblioteca Municipal de Vedra o martes 2 de maio de 2023 de 19:00 a 21:00 horas e podes inscribirte no enlace i.gal/EscolaFamiliasMaio

A Escola de Familias da ANPA do CPI de Vedra conta coa colaboración do Concello de Vedra. 

Nesta charla ofrecerase un achegamento xeral sobre a atención á diversidade dirixida ás familias, para poder entender a diversidade e o acompañamento aos nenos e nenas con necesidades educativas específicas. 

Tamén se explicará o modo no que se atenden no CPI de Vedra as necesidades educativas específicas así como información sobre as becas para necesidade específicas de apoio educativo do Ministerio de Educación.

INSCRICIÓN